काठमाडौं । स्वरोजगार लघुवित्त वित्तीय संस्थाले चालु आर्थिक वर्ष २०७८/७९ को पहिलो त्रैमासिक वित्तीय विवरण सार्वजनिक गरेको छ ।
कम्पनीले चालु आवको असोज मसान्तसम्म ४ करोड ८० लाख ७२ हजार रुपैयाँ नाफा आर्जन गरेको छ ।
जुन गत वर्षको सोही अवधिको तुलनामा ३९.११ प्रतिशतले बढी हो । गत वर्षको उक्त अवधिमा कम्पनीले ३ करोड ४५ लाख ५६ हजार रुपैयाँ नाफा कमाएको थियो ।
उक्त अवधिमा कम्पनीले १० करोड ३५ लाख ७३ हजार रुपैयाँ खुद आम्दानी गरेको छ । यो आम्दानी गत वर्षको असोज मसान्तको तुलनामा १२९.११ प्रतिशतले बढी हो । गत वर्षको सोही अवधिमा कम्पनीले ४ करोड ५२ लाख ६ हजार रुपैयाँ खुद ब्याज आम्दानी गरेको थियो ।
कम्पनीको चुक्ता पुँजी ४१ करोड १२ लाख ७ ९ हजार रुपैयाँ रहेको छ । उक्त अवधिसम्म कम्पनीको जगेडा तथा कोषमा भने २५ करोड ८७ लाख ४४ हजार रुपैयाँ रहेको छ ।
चालु आवको असोज मसान्तसम्म भने कम्पनीको खराज कर्जा घटाएको छ । गत वर्षको असोज मसान्तमा ४.७६ प्रतिशत रहेको खराब कर्जा यस वर्षको सोही अवधिमा भने घटेर २. ५७ प्रतिशत पुगेको छ ।
कम्पनीको प्रतिसेयर आम्दानी ४६ रुपैयाँ ७५ पैसा र प्रतिसेयर नेटवर्थ १६२ रुपैयाँ ९१ पैसा रहेको छ ।
वि.सं.२०७८ कात्तिक २३ मंगलवार ११:२४ मा प्रकाशित