काठमाडौं । उपकार लघुवित्त वित्तीय संस्थाले चालु आर्थिक वर्ष २०७८÷७९ को पहिलो त्रैमासिक वित्तीय विवरण सार्वजनिक गरेको छ ।
विवरण अनुसार कम्पनीले चालु आवको असोज मसान्तसम्म ४१ लाख ३५ हजार रुपैयाँ नाफा गरेको छ ।
जुन गत वर्षको सोही अवधिको तुलनामा ८१.७६ प्रतिशतले कमी हो । गत वर्षको असोज मसान्तसम्म कम्पनीले २ करोड २६ लाख ७७ हजार रुपैयाँ नाफा कमाएको थियो ।
उक्त अवधिमा कम्पनीले ३ करोड ८ लाख ३ हजार रुपैयाँ खुद ब्याज आम्दानी गरेको छ । जुन गत वर्षको असोज मसान्तको तुलनामा प्रतिशतले कमी हो । गत वर्षको सोही अवधिमा कम्पनीको खुद ब्याज आम्दानी ३ करोड ३० लाख ४८ हजार रुपैयाँ रहेको थियो ।
कम्पनीको चुक्ता पुँजी ४ करोड २० लाख रुपैयाँ रहेको छ । कम्पनीले जगेडा तथा कोषमा भने १३ करोड १३ लाख ९१ हजार रुपैयाँ राखेको छ ।
उक्त अवधिमा कम्पनीको खराब कर्जा पनि वृद्धि भएको छ । गत वर्षको पहिलो त्रैमास अर्थात असोज मसान्तसम्म ७० प्रतिशत रहेको खराब कर्जा यस वर्षको सोही अवधिमा भने बढेर २.८८ प्रतिशत पुगेको छ ।
वि.सं.२०७८ कात्तिक २३ मंगलवार १२:४४ मा प्रकाशित
