काठमाडौं । आँधिखोला लघुवित्त वित्तीय संस्थाले चालु आर्थिक वर्ष २०७८/७९ को प्रथम त्रैमासिक वित्तीय विवरण सार्वजनिक गरेको छ ।
कम्पनी सार्वजनिक गरेको वित्तीय विवरण अनुसार चालु आवको असोज मसान्तसम्म ९३ लाख ४४ हजार रुपैयाँ नाफा गरेको छ ।
कम्पनीको यो नाफा गत वर्षको सोही अवधिको तुलनामा भने ४१.४४ प्रतिशतले बढी हो । गत वर्षको असोज मसान्तसम्म कम्पनीले ६६ लाख ६ हजार रुपैयाँ नाफा गरेको थियो ।
उक्त अवधिमा कम्पनीले १ करोड ८१ लाख ८९ हजार रुपैयाँ खुद ब्याज आम्दानी गरेको छ । जुन गत वर्षको असोज मसान्तको तुलनामा १८.३० प्रतिशतले बढी हो । गत वर्षको सोही अवधिमा कम्पनीको खुद ब्याज आम्दानी १ करोड ५३ लाख ७५ हजार रुपैयाँ रहेको थियो ।
कम्पनीको चुक्ता पुँजी १० करोड रुपैयाँ पुगेको कछ । कम्पनीले जगेडा तथा कोषमा भने ७ करोड ८७ लाख ८९ हजार रुपैयाँ राखेको छ ।
कम्पनीको खराज कर्जा भने झिनो घटेको छ । गत वर्षको असोज मसान्तमा ४.८७ प्रतिशत रहेको खराब कर्जा यस वर्षको सोही अवधिमा भने ४.७८ प्रतिशत रहेको छ ।
कम्पनीको प्रतिसेयर आम्दानी ३७ रुपैयाँ ३८ पैसा र प्रतिसेयर नेटवर्थ १७८ रुपैयाँ ७९ पैसा रहेको छ ।
वि.सं.२०७८ कात्तिक २४ बुधवार ११:२३ मा प्रकाशित