काठमाडौं । प्रभु बैंकको सेयर कारोबार रोक्का भएको छ । नेपाल स्टक एक्सचेञ्ज (नेप्से)ले बैंकको सेयर कारोबार रोक्का गरेको हो ।
बैंकले मंगलबार सेयर कारोबार चलिरहेकोे समय दिउँसो १ बजेदेखि ३ बजेसम्म सञ्चालक समिति बैठक बसेर बसी लाभांश वितरणको प्रस्ताव गरेको भन्दै नेप्सेले बिहीबार बैंकको सेयर कारोबार रोक्का गरेको हो ।
नेप्सेले बैंकलाई धितोपत्र सूचीकरण विनियमावली २०७५ को विनियम १६ (१) (ख) मा भएको व्यवस्था अनुसार सात दिने स्पष्टिकरण समेत सोधेको छ ।
कारोबार समयमा बैंकको सञ्चालक समितिको बैठक बसेर लाभांश घोषणा गरेको हुनाले यस विषयमा के भएको हो र बैंकको भनाई के छ भन्ने विषय उल्लेख गरि स्पष्टिकरण पेश गर्न नेप्सेद्वारा जारी सूचनाम उल्लेख छ ।
वि.सं.२०७८ कात्तिक २५ बिहीवार १३:३३ मा प्रकाशित
