काठमाडौं । साना किसान विकास लघुवित्त वित्तीय संस्थाले चालु आर्थिक वर्ष २०७८/७९ को पहिलो त्रैमासमा साढे १६ करोड बढी नाफा कमाएको छ ।
शुक्रबार कम्पनीले सार्वजनिक गरेको चालु आवको पहिलो त्रैमासिक वित्तीय विवरणले यस्तो देखाएको हो ।
चालु आवको असोज मसान्तमा कम्पनीले १६ करोड ५४ लाख ७ हजार रुपैयाँ नाफा गरेको छ । यो नाफा गत वर्षको सोही अवधिको तुलनामा भने १८.१२ प्रतिशतले बढी हो । गत वर्षको उक्त अवधिमा कम्पनीको १४ करोड ३० हजार रुपैयाँ नाफा कमाएको थियो ।
उक्त अवधिमा कम्पनीको खुद ब्याज आम्दानी पनि वृद्धि भएको छ । चालु आवको असोज मसान्तसम्म कम्पनीले २९ करोड ९२ लाख १४ हजार रुपैयाँ खुद ब्याज आम्दानी गरेको छ । गत वर्षको सोही अवधिमा भने कम्पनीले २६ करोड ७४ लाख ६ हजार रुपैयाँ खुद ब्याज आम्दानी गरेको थियो ।
कम्पनीको चुक्ता पुँजी १ अर्ब २५ करोड १५ लाख ३० हजार रुपैयाँ रहेको छ । कम्पनी जगेडा तथा कोषमा भने २ अर्ब ४९ करोड ५७ लाख ४० हजार रुपैयाँ राखेको छ ।
उक्त अवधिमा कम्पनीको खराब कर्जा पनि घटेको छ । गत वर्षको पहिलो त्रैमासमा ०.९९ प्रतिशत रहेको खराब कर्जा यस वर्षको सोही अवधिमा भने ०.६६ प्रतिशत रहेको छ ।
कम्पनीको प्रतिसेयर आम्दानी ५२ रुपैयाँ ८८ पैसा र प्रतिसेयर नेटवर्थ २९९ रुपैयाँ ४२ पैसा रहेको छ ।
वि.सं.२०७८ कात्तिक २६ शुक्रवार ११:३८ मा प्रकाशित