काठमाडौं । नाडेप लघुवित्त वित्तीय संस्थाले चालु आथिक वर्ष २०७८/७९ को पहिलो त्रैमासमा ९४ लाख ११ हजार रुपैयाँ नाफा गरेको छ ।
शुक्रबार कम्पनीले सार्वजनिक गरेको चालु आवको पहिलो त्रैमासिक वित्तीय विवरणले यस्तो देखाएको हो ।
कम्पनीको नाफा गत वर्षको असोज मसान्तको तुलनामा भने ७९.३७ प्रतिशतले कमी हो । गत वर्षको सोही अवधिमा कम्पनीले ४ करोड ५६ लाख ३१ हजार रुपैयाँ नाफा कमाएको थियो ।
उक्त अवधिमा कम्पनीको खुद ब्याज आम्दानी पनि २४.९० घटेको छ । गत वर्ष १३ करोड ६९ लाख ५७ हजार रुपैयाँ खुद ब्याज आम्दानी गरेको कम्पनीले यस वर्षको सोही अवधिमा भने १० करोड २८ लाख ५४ रुपैयाँ आम्दानी गरेको छ ।
कम्पनीको चुक्ता पुँजी ४० करोड ४८ लाख रुपैयाँ रुहेको छ । कम्पनीको जगेडा तथा कोषमा भने ३७ करोड ९८ लाख १४ हजार रुपैयाँ रहेको छ ।
गत वर्षको असोज मसान्तको तुलनमा कम्पनीको खराब कर्जा पनि केही वृद्धि भएको छ । गत वर्षको उक्त अवधिमा ४.४२ प्रतिशत रहेको खराब कर्जा यस वर्षको सोही अवधिमा भने ४.७७ प्रतिशत पुगेको छ ।
कम्पनीको प्रतिसेयर आम्दानी ९ रुपैयाँ २९ पैसा रहेको छ । कम्पनीको सेयर कारोबार अहिले रोक्का रहेको छ।
वि.सं.२०७८ कात्तिक २६ शुक्रवार १२:५१ मा प्रकाशित