काठमाडौं । मनकामना स्मार्ट लघुवित्त वित्तीय संस्थाले चालु आर्थिक वर्ष २०७८÷७९ को पहिलो त्रैमासिक वित्तीय विवरण सार्वजनिक गरेको छ ।
चालु आवको पहिलो त्रैमासमा कम्पनीले ४७ लाख ११ हजार रुपैयाँ नाफा कमाएको छ । जुन गत वर्षको सोही अवधिको तुलनमा भने कम्पनीको नाफा ७२.९६ प्रतिशतले बढी हो । गत वर्षको असोज मसान्तमा कम्पनीको नाफा २७ लाख ८ हजार रुपैयाँ रहेको थियो ।
उक्त अवधिमा कम्पनीको खुद ब्याज आम्दानी पनि केही वृद्धि भएको देखिएको छ । गत वर्षको पहिलो त्रैमासमा १ करोड ९२ लाख ४९ हजार रुपैयाँ खुद ब्याज आम्दानी गरेको कम्पनीले यस वर्ष सोही अवधिमा भने बढाएर १ करोड ९४ लाख १० हजार रुपैयाँ रहेको छ ।
कम्पनीको चुक्ता पुँजी १२ करोड ११ लाख ५० हजार रुपैयाँ रहेको छ । कम्पनीले जगेडा तथा कोषमा ६ करोड ६६ लाख ९५हजार रुपैयाँ राखेको छ ।
कम्पनीको खराब कर्जा भने चुलिएको छ । गत वर्षको असोज मसान्तमा ५.६० प्रतिशत रहेको खराब कर्जा यस वर्षको सोही अवधिमा भने ९.३३ प्रतिशत पुगेको छ ।
कम्पनीको प्रतिसेयर आम्दानी १५ रुपैयाँ ५५ पैसा र प्रतिसेयर नेटवर्थ १५५ रुपैयाँ ०५ पैसा रहेको छ ।
वि.सं.२०७८ कात्तिक २८ आइतवार ०८:४९ मा प्रकाशित