काठमाडौं । छिमेक लघुवित्त वित्तीय संस्थाले चालु आर्थिक वर्षको पहिलो त्रैमासमा २१ करोड बढी नाफा कमाएको छ ।
कम्पनीले सोमबार प्रकाशित गरेको चालु आवको असोज मसान्तसम्मको वित्तीय विवरणले यस्तो देखाएको हो ।
उक्त अवधिमा कम्पनीले २१ करोड ४१ लाख ६ हजार रुपैयाँ नाफा कमाएको छ । जुन गत वर्षको असोज मसान्तको तुलनामा भने २३१.५३ प्रतिशतले बढी हो । गत वर्षको उक्त अवधिमा कम्पनीले ६ करोड ४५ लाख ८० हजार रुपैयाँ नाफा गरेको थियो ।
उक्त अवधिमा कम्पनीले ५३ करोड ३८ लाख ६० हजार रुपैयाँ खुद ब्याज आम्दानी गरेको छ । गत वर्षको पहिलो त्रैमासको तुलनामा कम्पनीको खुद ब्याज आम्दानी २३.५० प्रतिशतले बढेको हो ।
गत वर्षको सोही अवधिमा कम्पनीको खुद ब्याज आम्दानी ४३ करोड २२ लाख ६६ हजार रुपैयाँ रहेको थियो ।
कम्पनीको चुक्ता पुँजी १ अर्ब ८३ करोड रुपैयाँ रहेको छ । कम्पनीले जगेडा तथा कोषमा भने ३ अर्ब २८ करोड ७० लाख ५४ हजार रुपैयाँ राखेको छ ।
उक्त अवधिमा कम्पनीले २३ अर्ब ५७ करोड १७ लाख ३२ हजार रुपैयाँ निक्षेप संकलन गरि २६ अर्ब १६ करोड ५७ लाख २५ हजार रुपैयाँ कर्जा प्रवाह गरेको छ । गत वर्ष ऋणात्म रहेको खराब कर्जा घटाएर कम्पनीले यस वर्षको असोज मसान्तमा १.०३ प्रतिशत पुर्याएको छ ।
कम्पनीको प्रतिसेयर आम्दानी ४६ रुपैयाँ ८० पैसा र प्रतिसेयर नेटवर्थ २७९ रुपैयाँ ६२ पैसा रहेको छ ।
वि.सं.२०७८ कात्तिक २९ सोमवार ११:४२ मा प्रकाशित