काठमाडौं । यूनियन लाइफ इन्स्योरेन्स कम्पनीले चालु आर्थिक वर्ष २०७८/७९ को पहिलो त्रैमासिक वित्तीय विवरण सार्वजनिक गरेको छ ।
विवरण अनुसार कम्पनीले चालु आवको असोज मसान्तसम्ममा ३ करोड ४४ लाख ७७ हजार रुपैयाँ नाफा कमाएको छ ।
कम्पनीको यो नाफा गत वर्षको सोही अवधिको तुलनामा ४२.५१ प्रतिशतले बढी हो । गत वर्षको उक्त अवधिमा कम्पनीले २२ करोड ४१ लाख ९१ हजार रुपैयाँ नाफा गरेको थियो ।
उक्त अवधिमा कम्पनीले १ अर्ब ८९ करोड ६४ लाख ५१ हजार रुपैयाँ कुल बीमाशुल्क आर्जन गरेको छ । चालु आवको पहिलो त्रैमासमा कम्पनीले ६५ करोड ७९ लाख १० हजार रुपैयाँ दावी भुक्तानी गरेको छ । उक्त अवधिमा ७६ लाख ३५ हजार रुपैयाँ भने भुक्तानी हुन् बाँकी देखिएको छ ।
कम्पनीको चुक्ता पुँजी २ अर्ब १५ करोड रुपैयाँ रहेको छ । कम्पनीले जगेडा तथा कोष १ अर्ब १२ करोड ६२ लाख ८२ हजार रुपैयाँ राखेको छ ।
यस्तै, कम्पनीले जीवन बीमा कोषमा ८ अर्ब ५८ करोड २० लाख ७७ हजार रुपैयाँ र महाविपत्ति जगेडामा १२ करोड ५१ लाख ४२ हजार रुपैयाँ राखेको छ ।
कम्पनीको प्रतिसेयर आम्दानी ६ रुपैयाँ ४१ पैसा र प्रतिसेयर नेटवर्थ १५८ रुपैयाँ २१ पैसा रहेको छ ।
वि.सं.२०७८ कात्तिक ३० मंगलवार १२:२४ मा प्रकाशित
