काठमाडौं । साताको तेस्रो कारोबार दिन सेयर बजारमा उछाल आएको छ । उक्त दिन बजार दोहोरो अंकले वृद्धि भएको छ ।
मंगलबार ६९.२२ अंक बजार वृद्धि हुँदा परिसुचक पनि २७८४.५७ अंकको बिन्दुमा पुगेर बन्द भएको छ । आज कारोबार रकम पनि वृद्धि भएको छ ।
सबै सूचक हरियाली भएको उक्त दिन ५ अर्ब ५१ करोड १६ लाख ५० हजार रुपैयाँ बराबरको सेयर कारोबार भएको हो ।
उक्त दिन महालक्ष्मी विकास बैंकको सबैभन्दा बढी कारोबार भएको छ । आज बैंकको ३७ करोड २६ लाख ८८ हजार रुपैयाँ बराबरको सेयर खरिदबिक्री भएको हो ।
कारोबारकै आधारमा दोस्रो स्थानमा रहेको नेशनल हाइड्रोपावर कम्पनीको ३० करोड ४२ लाख १९ हजार रुपैयाँ बराबरको सेयर कारोबार भएको छ ।
यस्तै, अपि पावरको २३ करोड ३६ लाख ७३ हजार रुपैयाँ बराबरको सेयर किनबेच भएको नेपाल स्टक एक्सचेञ्ज(नेप्से)ले जनाएको छ ।
वि.सं.२०७८ कात्तिक ३० मंगलवार १५:१६ मा प्रकाशित