काठमाडौं । मंगलबार यूनियन लाइफ र सानिमा लाइफ इन्स्योरेन्स कम्पनीको सेयर मूल्य वृद्धि भएको छ ।
साताको तेस्रो कारोबार दिन यूनियन लाइफको सेयर मूल्य ६.१२ प्रतिशत र सानिमा लाइफको ५.११ प्रतिशतले वृद्धि भएको हो ।
उक्त दिन यूनियन लाइफको सेयर मूल्य प्रतिकित्ता ४० रुपैयाँ १० पैसाले वृद्धि भएको छ । योसंगै कम्पनीको सेयर मूल्य आज ६ सय ९५ रुपैयाँ १० पैसा कायम भएको छ ।
नेपाल स्टक एक्सचेञ्ज(नेप्से)का अनुसार आज कम्पनीको ४ करोड ९१ लाख ९१ हजार रुपैयाँ बराबरको कारोबार भएको छ । कम्पनीको आज ७१ हजार १९४ कित्ता सेयर खरिदबिक्री भएको हो ।
यस्तै, उक्त दिन सानिमा लाइफको सेयर मूल्य प्रतिकित्ता २७ रुपैयाँले वृद्धि भई ५ सय ५५ रुपैयाँ पुगेको छ ।
नेप्सेका अनुसार आज कम्पनीको १ करोड ४० लाख ४६ हजार रुपैयाँ बराबरको सेयर कारोबार भएको छ । कम्पनीको २५ हजार ६७७ कित्ता सेयर किनबेच भएको नेप्सेले जनाएको छ ।
वि.सं.२०७८ कात्तिक ३० मंगलवार १५:५३ मा प्रकाशित
