काठमाडौं । प्राइम लाइफ इन्स्योरेन्स कम्पनीले चालु आर्थिक वर्ष २०७८/७९ को प्रथम त्रैमासिक वित्तीय विवरण सार्वजनिक गरेको छ ।
विवरण अनुसार कम्पनीले चालु आवको असोज मसान्तसम्म १२ करोड २५ लाख ७५ हजार रुपैयाँ खुद नाफा आर्जन गरेको छ ।
जुन गत वर्षको पहिलो त्रैमासको तुलनामा १.४९ प्रतिशतले बढी हो । गत वर्षको सोही अवधिमा कम्पनीले १२ करोड ७ लाख ७४ हजार रुपैयाँ नाफा गरेको थियो ।
यस वर्ष कम्पनीले १ अर्ब १८ करोड ३३ लाख ५९ हजार रुपैयाँ बीमाशुल्क आर्जन गरेको छ । उक्त अवधिमा कम्पनीको कुल दावी भुक्तानी रकम २७ करोड ६२ लाख ८० हजार रुपैयाँ रहेको छ ।भुक्तानी हुन् बाँकी दावी रकम भने १ करोड ६० लाख ७९ हजार रुपैयाँ देखिएको छ ।
कम्पनीको चुक्ता पुँजी २ अर्ब ४१ करोड ७० लाख ५७ हजार रुपैयाँ रहेको छ । कम्पनीले जगेडा तथा कोष ८० करोड २९ लाख ३९ हजार रुपैयाँ राखेको छ ।
कम्पनीले जीवन बीमा कोषमा १५ अर्ब ७२ करोड ४६ लाख ८२ हजार रुपैयाँ र महाविपत्ति कोष जगेडामा १६ करोड ७४ लाख ५ हजार रुपैयाँ रहेको छ ।
कम्पनीको प्रतिसेयर आम्दानी २० रुपैयाँ २८ पैसा र प्रतिसेयर नेटवर्थ १४० रुपैयाँ १५ पैसा रहेको छ ।
वि.सं.२०७८ मंसिर १ बुधवार ११:५३ मा प्रकाशित
