काठमाडौं । सबैको लघुवित्त वित्तीय संस्थाले चालु आर्थिक वर्ष २०७८/७९ को पहिलो त्रैमासमा उल्लेखीय नाफा गरेको छ ।
चालु आवको असोज मसान्तमा कम्पनीले २ करोड १४ लाख ५७ हजार रुपैयाँ नाफा कमाएको छ । कम्पनीले बुधवार सार्वजनिक गरेको चालु आवको पहिलो त्रैमासिक वित्तीय विवरणले यस्तो देखाएको हो ।
गत वर्षको असोज मसान्तमा ६३ लाख ७७ हजार रुपैयाँ नाफा गरेको कम्पनीले यस वर्षको सोही अवधिमा २३६.४७४ प्रतिशतले बढाएको छ ।
उक्त अवधिमा कम्पनीको खुद ब्याज आम्दानी ५ करोड ५९ लाख ३२ हजार रुपैयाँ रहेको छ । गत वर्षको असोज मसान्तको तुलनामा कम्पनीको खुद ब्याज आम्दानी प्रतिशतले बढेको हो । गत वर्षको उक्त अवधिमा १ करोड ५४ लाख ३४ हजार रुपैयाँ ब्याज आम्दानी गरेको थियो ।
कम्पनीको चुक्ता पुँजी २७ करोड रुपैयाँ रहेको छ । कम्पनीले जगेडा तथा कोषमा ८ करोड २३ लाख ९० रुपैयाँ राखेको छ ।
उक्त अवधिमा कम्पनीको खराब कर्जा वृद्धि भएको देखिएको छ । गत वर्षको असोज मसान्तमा १.९७ प्रतिशत रहेको खराब कर्जा यस वर्षको सोही अवधिमान भने २.७३ प्रतिशत पुगेको छ ।
कम्पनीको प्रतिसेयर आम्दानी ३१ रुपैयाँ ७९ पैसा र प्रतिसेयर नेटवर्थ १३० रुपैयाँ ५१ पैसा रहेको छ ।
वि.सं.२०७८ मंसिर १ बुधवार १२:१२ मा प्रकाशित