काठमाडौं । साताको चौथों कारोबार दिन आधा दर्जन कम्पनीको सेयर मूल्यमा उछाल आएको छ ।
उक्त दिन पञ्चकन्या माइ हाइड्रोपावर र अपर तामाकोशी हाइड्रोपावरको सेयर मूल्यमा सकरात्मक सर्किट लागेको छ ।
आज पञ्चकन्या माईको सेयर मूल्य १० प्रतिशत अर्थात प्रतिकित्ता ३५.३० रुपैयाँले वृद्धि भएको छ । योसंगै आज कम्पनीको सेयर मूल्य ३८८.४० रुपैयाँ भएको छ ।
उक्त दिन अपर तामाकोशीको सेयर मूल्यमा सकरात्मक सर्किट लागेको हो । आज कम्पनीको सेयर मूल्य प्रतिकित्ता ६४.१० रुपैयाँले बढेर ७०५४० रुपैयाँ कायम भएको छ ।
यस्तै, उक्त दिन मानुषी लघुवित्त वित्तीय संस्थाको सेयर मूल्य ९.९९ प्रतिशत, तेह्रथुप पावरको ९.९९ प्रतिशत, नेपाल बंगलादेश बैंकको ९.९८ र मैलुङ खोला जलविद्युत कम्पनीको ९.५१ प्रतिशतले वृद्धि भएको छ ।
यी कम्पनीहरुसहित आज एनटीसी, जोशी हाइड्रोपावर, गोर्खाज फाइनान्स, रिलायन्स फाइनान्स, पाँचथर पावर लगायतका लगानीकर्ताहरुले उच्च दरमा कमाएका छन् ।
वि.सं.२०७८ मंसिर १ बुधवार १६:२२ मा प्रकाशित