काठमाडौं । नेपाली बजारमा सुनको मूल्य वृद्धि भएको छ । एक महिनाको अवधिमा छापावाला सुनको मूल्य ४ हजार बढी महंगिएको छ ।
नेपाल सुनचाँदी व्यवसायी महासंघका अनुसार यस वर्षको कात्तिक महिनामा सुनको मूल्य प्रतितोला ४ हजार २ सय रुपैयाँले वृद्धि भएको हो ।
असोज मसान्तमा प्रतितोला ९० हजार ६ सय रुपैयाँमा कारोबार भएको छापावाला सुन कात्तिक मसान्तसम्म आईपुग्दा ९४ हजार ८ सय रुपैयाँ पुगेको हो ।
यस्तै, असोज महिनाको अन्तिम कारोबार दिन ९० हजार १५० रुपैयाँमा कारोबार भएको तेजावी सुन कात्तिक मसान्तसम्म आईपुग्दा ९४ हजार ३ सय रुपैयाँ कायम भएको छ ।
त्यसैगरि उक्त अवधिमा चाँदीको मल्यमा पनि बढोत्तरी देखिएको छ । एक महिनामा चाँदी प्रतितोला ११० रुपैयाँले वृद्धि भएको हो ।
महासंघका अनुसार गत असोज मसान्तमा प्रतितोला एक हजार १८० रुपैयाँमा कारोबार भएको चाँदी कात्तिक मसान्तसम्म आईपुग्दा बढेर १ हजार २९० रुपैयाँ पुगेको हो ।
वि.सं.२०७८ मंसिर १ बुधवार १०:०७ मा प्रकाशित
