काठमाडौं । महिला लघुवित्त वित्तीय संस्थाले चालु आर्थिक वर्ष २०७८/७९ को पहिलो त्रैमासिक वित्तीय विवरण सार्वजनिक गरेको छ ।
विवरण अनुसार कम्पनीले चालु आवको पहिलो त्रैमासमा २ करोड ८६ लाख ७७ हजार रुपैयाँ नाफा गरेको छ ।
कम्पनीको यो नाफा गत वर्षको सोही अवधिको तुलनामा ४४.२१ प्रतिशतले बढी हो । गत वर्षको असोज मसान्तमा कम्पनीले १ करोड ९८ लाख ८५ हजार रुपैयाँ नाफा कमाएको थियो ।
उक्त अवधिमा कम्पनीको खुद ब्याज आम्दानी ६ करोड ५५ लाख ७१ हजार रुपैयाँ देखिएको छ । जुन गत वर्षको असोज मसान्तको तुलनामा ६०.७३ प्रतिशतले बढी हो ।
गत वर्षको उक्त अवधिमा कम्पनीले ४ करोड ७ लाख ९७ हजार रुपैयाँ खुद ब्याज आम्दानी गरेको थियो ।
कम्पनीले चालु आवको पहिलो त्रैमासमा १ अर्ब १ करोड ५८ लाख ७७ हजार रुपैयाँ निक्षेप संकलन गरेको छ भने ३ अर्ब ६५ करोड ३७ लाख ८१ हजार रुपैयाँ कर्जा प्रवाह गरेको छ ।
कम्पनीको चुक्ता पुँजी १० करोड रुपैयाँ रहेको छ । कम्पनीले जगेडा तथा कोषमा २२ करोड ८९ लाख ४० हजार रुपैयाँ राखेको छ ।
उक्त अवधिमा कम्पनीको खराज कर्जा पनि वृद्धि भएको देखिएको छ । गत वर्षको असोज मसान्तमा १.७९ प्रतिशत रहेको खराब कर्जा यस वर्षको सोही अवधिमा भने बढेर ३.०५ प्रतिशत पुगेको छ ।
कम्पनीको प्रतिसेयर आम्दानी ११४ रुपैयाँ ७१ पैसा र प्रतिसेयर नेटवर्थ ३२८ रुपैयाँ ९४ पैसा रहेको छ ।
वि.सं.२०७८ मंसिर २ बिहीवार १०:२४ मा प्रकाशित
