काठमाडौं । अभियान लघुवित्त वित्तीय संस्थाले चालु आर्थिक वर्ष २०७८/७९ को पहिलो त्रैमासिक वित्तीय विवरण सार्वजनिक गरेको छ ।
उक्त अवधमिा कम्पनीको नोक्सानीमा देखिएको छ । गत वर्षको पहिलो त्रैमासमा २६ लाख ७ हजार रुपैयाँ ऋणात्मक रहेको कम्पनीले यस वर्षको सोही अवधिमा बढेर ५६ लाख ७९ हजार रुपैयाँ ऋणात्मक देखिएको छ ।
चालु आवको असोज मसान्तमा कम्पनीले २ करोड ५८ लाख ३६ हजार रुपैयाँ खुद ब्याज आम्दानी गरेको छ ।
कम्पनीको खुद ब्याज आम्दानीले गत वर्षको सोही अवधिको तुलनामा २८३..६६ प्रतिशतले बढी हो । गत वर्षको उक्त अवधिमा कम्पनीको खुद ब्याज आम्दानी ६७ लाख ३४ हजार रुपैयाँ रहेको छ ।
कम्पनीको चुक्ता पुँजी १५ करोड २५ लाख रुपैयाँ रहेको छ । कम्पनीले जगेडा तथा कोषमा भने २४ लाख ८८ हजार रुपैयाँ राखेको छ ।
कम्पनीको खराब कर्जामा पनि बढोत्तरी देखिएको छ । गत वर्षको असोज मसान्तमा शून्य रहेको खराब कर्जा यस वर्षको सोही अवधिमा भने २.८८ प्रतिशत देखिएको छ ।
वि.सं.२०७८ मंसिर २ बिहीवार ११:२१ मा प्रकाशित
