काठमाडौं । सरकारले तीनवटा सिमेन्ट कम्पनीको उत्पादनलाई बजारमा विक्रि वितरण गर्न रोक लगाएको छ ।
गुणस्तर तथा नापतौल विभागले कमजोर गुणस्तर भएको पाएपछि मारुती सिमेन्ट लिमिटेड, युनाइटेड सिमेन्ट प्रा.लि र जगदम्बा सिमेन्ट प्रा.लिद्धारा उत्पादित सिमेन्टलाई विक्रिवितरणका लागि रोक लगाएको हो ।
त्यस्तै बजारमा गएका सिमेन्टहरु फिर्ता गर्न र १५ दिनभित्र स्पष्टीकरण दिनको लागि निर्देशन दिएको छ ।
विभागका सुचना अधिकारी संजीवकुमार ठाकुरका अनुसार ती तिनवटै कम्पनीमा केही दिनअघि विभागले अनुगमन गरेको थियो ।
अनुगमनका क्रममा संकलन गरिएको नमुनाको गुणस्तर मापन गर्दा मारुती सिमेन्टको ७ र २८ दिनको मान क्रमशः ३१ र ३८ एमपिए रहेको पाइएको छ । विभागका अनुसार ति दिनहरुको मान क्रमशः ३३ र ४३ हुनुपर्ने थियो ।
त्यस्तै युनाइटेड सिमेन्टको सोही दिनको मान ३५ र ३९ रहेको थियो जवकी सो सिमेन्टको मान ३७ र ५३ एमपिए हुनुपर्ने थियो ।
मारुती र युनाइटेड सिमेन्ट भने ओपीसी हो । त्यस्तै त्यस्तै जगदम्बा सिमेन्टको भने ३ र ७ दिनको मान १६ र २२ हुनुपर्नेमा १५ र २० एमपीए रहेको पाइएको विभागले जनाएको छ। सो सिमेन्ट भने पीपीसी रहेको विभागले जानकारी दिएको छ ।
यी हुन् कारबाहीमा परेका ५ सिमेन्ट उद्योगहरु:
वि.सं.२०७८ मंसिर २ बिहीवार १५:२० मा प्रकाशित
