काठमाडौं । साताको अन्तिम कारोबार दिन सेयर बजारमा गिरावट आएको छ । उक्त दिन बजार ३२.३९ अंकले घटेको हो ।
बिहीबार बजार परिसुचक २७६९.१३ अंकको बिन्दुमा पुगेर बन्द भएको छ । अघिल्लो दिनको तुलनामा आज काराबोर रकम पनि घटेको छ ।
उक्त दिन ६ अर्ब २७ करोड १८ लाख ६७ हजार रुपैयाँ बराबरको सेयर कारोबार भएको छ । उक्त दिन सबै समूह राताम्मे बनेका छन् ।
आज नेपाल टेलिकम सहित ३ कम्पनीको सर्वाधिक कारोबार भएको छ । उक्त दिन नेपाल टेलिकमको ६० करोड ४४ लाख ५५ हजार रुपैयाँ बराबरको सेयर कारोबार भएको छ ।
कारोबारकै आधारमा दोस्रो स्थानमा रहेको महालक्ष्मी विकास बैंकको ५७ करोड २८ लाख ५० हजार रुपैयाँ बराबरको सेयर खरिदबिक्री भएको छ ।
यस्तै, उक्त दिन अपर तामाकोशी हाइड्रोपावरको ३९ करोड ५० लाख ३३ हजार रुपैयाँ बराबरको सेयर कारोबार भएको छ ।
वि.सं.२०७८ मंसिर २ बिहीवार १५:२३ मा प्रकाशित
