काठमाडौं । नेपाल टेलिकमले विभिन्न २० वटा पदका लागि २८० जना माग गरेको छ । टेलिकमले शुक्रबार गोरखापत्रमा सूचना जारी गर्दै खुला तथा समावेशी, आन्तरिक प्रतियोगिताबाट पदपूर्ति गर्ने जानकारी दिएको हो ।
टेलिकमले उपप्रबन्धक, वरिष्ठ इन्जिनियर, वरिष्ठ लेखा अधिकृत, वरिष्ठ प्रशासकीय अधिकृत, वरिष्ठ व्यापार अधिकृत लगायतका २० पदको लागि आवेदन माग गरेको हो ।
आवेदकहरुले आवश्यक कागजपत्रसहित अनलाइनमाध्यमबाट पनि आवेदन दिन सक्नेछन् । त्यस्तै आवेदकहरुले अनलाईन भुक्तानी पनि गर्न सक्नेछन् उनीहरुले परिक्षा शुल्कवापत तिर्नुपर्ने रकम नमस्ते पे, कनेक्ट आइपीएस, इसेवा तथा खल्तीबाट भुक्तानी गर्न सक्ने टेलिकमले जनाएको छ ।
वि.सं.२०७८ मंसिर ३ शुक्रवार ११:२४ मा प्रकाशित
