काठमाडौं । नेपाल बङ्गलादेश बैंकले १५.५० प्रतिशत लाभांश वितरण गर्ने प्रस्ताव पारित गरेको छ । बैंकले आफनो २७औं बार्षिक साधारणसभाले सो लाभांश वितरण गर्ने निर्णय गरेको हो।
बैंकको सञ्चालक समितिबाट प्रस्ताव गरे अनुसार आ.व. २०७७/०७८ को मूनाफा रकमबाट २०७८ आषाढ मसान्तमा कायम रहेको चूक्ता पूँजीको १२ प्रतिशतका दरले बोनस शेयर तथा ३.५० प्रतिशत (बोनस शेयर तथा नगद लाभांशमा लाग्ने कर समेत गरी) का दरले नगद लाभांश वितरण गर्ने स्वीकृति प्रदान गरेको थियो ।
साथै बैंकको सभाबाट बैंकको प्रबन्धपत्र तथा नियमावली बमोजिम आगामी ४ वर्षे कार्यकालका लागि सञ्चालक समितिमा ६ जना निर्वाचित भएका छन् ।
जसमा संस्थापक समूहबाट ३ जना र सर्वसाधारण समूहबाट ३ रहेका छन् । निर्वाचित हुनेमा संस्थापक समूहबाट ए आर एम नजमुस शकिब, एम शाह आलम सरवर र क्यामरुन नहर अहमद रहेका छन् । यस्तै, सर्वसाधारण समूहबाट इन्द्रबहादुर थापा, योगिता दाहाल र अमन साह निर्वाचित भएका छन् ।
वि.सं.२०७८ मंसिर ३ शुक्रवार १५:०७ मा प्रकाशित
