काठमाडौं । ग्लोबल आइएमई बैंकले वार्षिक साधारणसभाका लागि मिति तय गरेको छ । बैंकको गत बिहीबार बसेको संचालक समितिको ३९५औं बैठकले मंसिर २७ गते सभा गर्ने भएको हो ।
सभाले आर्थिक वर्ष २०७७/७८ को मुनाफाबाट सेयधरनीहरुलाई १० प्रतिशत बोनस र ३.५ प्रतिशत नगद लाभांश वितरण गर्ने प्रस्ताव स्वीकृत गर्नेछ ।
सभामा आव २०७७/७८ को वार्षिक प्रतिवेदन पारित गर्ने, लेखापरिक्षक नियुक्ति र निजको पारिश्रमिक निर्धारण गर्नेछ ।
साथै आव २०७७/७८ को मुनाफबाट सेयरधनीहरुलाई बोनस सेयर प्रदान गर्ने प्रस्ताव अनुसार बैंकको जारी तथा चुक्ता पुँजी वृद्धि हुने भएकाले सोको हदसम्म जारी तथा चुक्ता पुँजी कायम हुने गरि प्रबन्धपत्रको दफा ५ (ख) र ५ (ग) संशोधन गर्ने छ ।
यस्तै, बैंकको चुक्ता पुँज वृद्धिका लागि प्रबन्धपत्र, नियमावली संशोधनको क्रममा नियमनकारी निकायहरुबाट कुनै फेरबदल/संशोधन/परिर्माजन गर्न वा मिलाउन कुनै सुझाव वा निर्देशन भएमा सोही अनुरुप आवश्यक कार्य गर्न संचालक समितिलाई पूर्ण अख्तियारी प्रदान गर्ने छ ।
सभा तथा लाभांश प्रयोजनका लागि बैंकले मंसिर १३ गते एक दिन बुक क्लोज गर्ने भएको छ ।
वि.सं.२०७८ मंसिर ५ आइतवार ११:०८ मा प्रकाशित