काठमाडौं । सोमबार सेयर बजारमा वृद्धि भएको छ । उक्त दिन बजार ७.९० अंकले बढेको हो ।
साताको दोस्रो कारोबार दिन बजार परिसुचक पनि २७६५.४४ अंकको बिन्दुमा पुगेर बन्द भएको छ ।
उक्त दिन कारोबार रकम भने खुम्चिएको छ । आज ३ अर्ब ९२ करोड ९२ लाख ६१ हजार रुपैयाँ बराबरको सेयर कारोबार भएको छ ।
उक्त दिन विकास बैंक ३४.९९ अंक, फाइनान्स २३.२९ अंक, माइक्रोफाइनान्स १४.५७ र जीवन बीमा समूह ७.०८ ले घटेको छ भने अन्य समूहहरु वृद्धि भएका छन् ।
आज बैंकिङ समूह २.८९ अंक, व्यापार १५.८३, होटेल तथा पर्यटन १४९.७६, जलविद्युत १०.९२, निर्जीवन बीमा ९९.४८ म्युचुअल फण्ड ०.०६ र अन्य २७.६५ अंकले वृद्धि भएको छ ।
आज महालक्ष्मी विकास बैंकको सर्वाधिक कारोबार भएको छ । आज बैंकको ३४ करोड ४१ लाख २५ हजार रुपैयाँ बराबरको सेयर कारोबार भएको छ ।
कारोबारकै आधारमा दोस्रो स्थानमा रहेको नेपाल टेलिकमको २९ करोड १८ लाख ६७ हजार रुपैयाँ बराबरको सेयर खरिदबिक्री भएको छ ।
वि.सं.२०७८ मंसिर ६ सोमवार १५:१२ मा प्रकाशित
