काठमाडौं । सोमबार सेयर बजारमा वृद्धि भएको छ । उक्त दिन बजार ७.९० अंकले बढेको हो ।
साताको दोस्रो कारोबार दिन बजार परिसुचक पनि २७६५.४४ अंकको बिन्दुमा पुगेर बन्द भएको छ ।उक्त दिन कारोबार रकम भने खुम्चिएको छ ।
आज ३ अर्ब ९२ करोड ९२ लाख ६१ हजार रुपैयाँ बराबरको सेयर कारोबार भएको छ ।आज सबैभन्दा धेरै महालक्ष्मी विकास बैंकको कारोबार भएको छ ।
उक्त दिन बैंकको ३४ करोड ४१ लाख २५ हजार रुपैयाँ बराबरको सेयर कारोबार भएको छ । नेपाल स्टक एक्सचेञ्ज(नेप्से)का अनुसार आज बैंकको ४ लाख ६२ हजार १९७ कित्ता सेयर खरिदबिक्री भएको छ । बैंकको सेयर मूल्य भने प्रतिकित्ता ७४० रुपैयाँ रहेको छ ।
यस्तै, कारोबारकै आधारमा दोस्रो स्थानमा रहेको नेपाल टेलिकमको २९ करोड १८ लाख ६७ हजार रुपैयाँ बराबरको सेयर खरिदबिक्री भएको छ ।
आज कम्पनीको २ लाख ६ हजार ५२ कित्ता सेयर किनबेच भएको नेप्सेले जनाएको छ । कम्पनीको सेयर मूल्य आज प्रतिकित्ता १ हजार ४२०.२० रुपैयाँ कायम भएको छ ।
वि.सं.२०७८ मंसिर ६ सोमवार १५:१८ मा प्रकाशित
