काठमाडौं । बुधवार पनि सुनको मूल्यमा गिरावट आएको छ । उक्त दिन छापावाला सुनको मूल्य प्रतितोला ५ सय रुपैयाँले घटेको हो ।
अघिल्लो कारोबार दिन एकैदिन १६ सय रुपैयाँले घटेर ९२ हजार ३ सय रुपैयाँ कायम भएको थियो । नेपाल सुनचाँदी व्यवसायी महासंघका अनुसार आजका लागि भने ९१ हजार ८ सय रुपैयाँ निर्धारण भएको जनाएको छ ।
साताको चौथो कारोबार दिन तेजावी सुनको मूल्य भने ९१ हजार ३ सय रुपैयाँ तोकिएको छ । अघिल्लो दिन भने ९१ हजार ८ सय रुपैयाँमा खरिदबिक्री भएको थियो ।
यस्तै, आज चाँदीको मूल्यमा पनि गिरावट आएको छ । आज चाँदी प्रतितोला ३० रुपैयाँले घटेर १ हजार २२५ रुपैयाँ कायम भएको छ । अघिल्लो दिन १ हजार २५५ रुपैयाँमा कारोबार भएको थियो ।
वि.सं.२०७८ मंसिर ८ बुधवार १२:४४ मा प्रकाशित