काठमाडौं । आज दुई कम्पनीको लाभांश सुरक्षित गर्ने अन्तिम मौका रहेको छ ।
उक्त दिन नेपाल इन्फ्रास्ट्रक्चर बैंक र मेरो माइक्रोफाइनान्स लघुवित्त वित्तीय संस्थाको लाभांश सुरक्षित गर्ने अन्तिम दिन हो ।
दुवै कम्पनीले साधारण सभा र लाभांश वितरण प्रयोजनको लागि बिहीवार (मंसिर ९ गते) बुक क्लोज गर्ने भएको छ । योसँगै आज (बुधवार) सम्म कायम सेयरधनीले साधारणसभामा भाग लिन र लाभांश पाउनेछन् ।
नेपाल इन्फ्रास्ट्रक्चर बैंकले आव २०७७/७८ को मुनाफाबाट सेयरधनीलाई ८ प्रतिशत बोनस सेयर र ०.४२ प्रतिशत नगद लाभांश कर प्रयोजनको लागि वितरण गर्ने प्रस्ताव गरेको छ । उक्त प्रस्ताव पारित गर्नका लागि कम्पनीले आगामी मंसिर २९ गते सभा गर्दैछ ।
यस्तै, मेरो माइक्रोफाइनान्सले गत आवको मुनाफाबाट २० प्रतिशत बोनस सेयर र १.५ प्रतिशत नगद लाभांश कर प्रयोजनको लागि वितरण गर्ने प्रस्ताव गरेको हो ।
उक्त प्रस्ताव पारित गर्नका लागि कम्पनीले आगामी मंसिर २४ गते सभा बोलाएको छ ।
वि.सं.२०७८ मंसिर ८ बुधवार १३:०३ मा प्रकाशित