काठमाडौं । प्रहरी प्रधान कार्यालय केन्द्रीय अनुसन्धान ब्यूरो(सीआईबी) ले बैंकिङ कसूर मुद्दामा फरार व्यक्तिलाई पक्राउ गरेको छ ।
प्रहरीले काठमाडौं महानगरपालिका १ स्थायी वतन भई ललितपुरको साना गाउँ बस्ने ५१ वर्षीय दुर्गा शाही सापकोटालाई पक्राउ गरेको हो ।
सापकोटाले आफ्नो खातामा पर्याप्त मौज्दात रकम नभएको भन्ने जानीजानी झुक्यानमा पािर हिमालयन बैंकको चेक काटेर दिएकी थिइन् ।
उनलाई उच्च अदालत पाटनले गत मंसिर १६ गते बैंकिङ कसूरजन्य अपराध गरेको ठहर गरि ७ दिन कैद र १३ लाख ६५ हजार रुपैयाँ जरिवाना फैसला गरेको थियो ।
सापकोटालाई ललितपुरबाट पक्राउ गरि उक्त फैसाला कार्यान्वयनका लागि आजै(मंसिर ८ गते) काठमाडौं जिल्ला अदालतमा पेश गरिएको प्रहरीले जनाएको छ ।
वि.सं.२०७८ मंसिर ८ बुधवार १४:२५ मा प्रकाशित