काठमाडौं । बिहीवार पनि सुनको मूल्यमा गिरावट आएको छ । उक्त दिन नेपाली बजारमा छापावाला सुनको मूल्य प्रतितोला १ सय रुपैयाँले घटेको हो ।
साताको पाँचौ कारोबार दिन सुनको मूल्य ९१ हजार ७ सय रुपैयाँ कायम भएको छ । नेपाल सुनचाँदी व्यवसायी महासंघका अनुसार अघिल्लो दिन ९१ हजार ८ सय रुपैयाँमा कारोबार भएको थियो ।
उक्त दिन तेजावी सुनको मूल्य ९१ हजार २ सय रुपैयाँ कायम भएको छ । बुधवार तेजावी सुनको मूल्य ९१ हजार ३ सय रुपैयाँमा कारोबार भएको थियो ।
यस्तै, उक्त दिन चाँदीको मूल्य भने वृद्धि भएको छ । आज चाँदी प्रतितोला ५ रुपैयाँले बढेर १ हजार २३० रुपैयाँ निर्धारण भएको महासंघले जनाएको छ । बुधवार १ हजार २२५ रुपैयाँमा कारोबार भएको थियो ।
वि.सं.२०७८ मंसिर ९ बिहीवार १०:४९ मा प्रकाशित