काठमाडौं । भोलि अर्थात मंसिर १० गते तीन कम्पनीको साधारणसभा हुँदैछ । उक्त दिन दुई लघुवित्त वित्तीय संस्थासहित तीन कम्पनीले सभा गर्न लागेका हुन् ।
शुक्रबार गुराँस लाइफ इन्स्योरेन्स, आरएसडिसी लघुवित्त वित्तीय संस्था र लक्ष्मी लघुवित्त वित्तीय संस्थाले सभा गर्दैछन् ।
भोलि बिहान ११ बजे लक्ष्मी लघुवित्तले सभा गर्दैछ । सभाले २० प्रतिशत बोनस सेयर र ७.३७ प्रतिशत नगद लाभांश कर प्रयोजनका लागि समेत वितरण गर्ने प्रस्ताव पारित गर्नेछ । सभाले आव २०७७/७८ को वार्षिक प्रतिवेदन छलफल गरी पारित गर्ने, आव २०७८/७९ को लागि लेखापरीक्षकको नियुक्ती र निजको पारिश्रमिक निर्धारण गर्नेछ ।
यस्तै, आरएसडिसी लघुवित्तले पनि भोलि बिहान ९ बजे सभा गर्दैछ । सभाले १० प्रतिशत बोनस सेयर र ०.५२६३ प्रतिशत नगद लाभांश कर प्रयोजनको लागि वितरण गर्ने प्रस्ताव पारित गर्नेछ ।
यता, गुराँस लाइफ इन्स्योरेन्स कम्पनीले पनि भोलि ११औं वार्षिक साधारणसभा गर्दैछ । सभाले आव २०७५/७६ को मुनाफबाट ५.५ प्रतिशत बोनस सेयर र कर प्रयोजनको लागि ०.२८९४ प्रतिशत नगद लाभांश वितरण गर्ने प्रस्ताव पारित गर्नेछ ।
सोही दिन कम्पनीले आव २०७५/७६ को वार्षिक प्रतिवेदन छलफल गरी पारित गर्ने र आव २०७७/७८ को लागि लेखापरीक्षकको नियुक्ती गर्ने र निजको पारिश्रमिक निर्धारण गर्ने प्रस्ताव पारित गर्नेछ ।
वि.सं.२०७८ मंसिर ९ बिहीवार १७:१० मा प्रकाशित