काठमाडौ । नेपाल राष्ट्र बैंकले सिडि रेसियो(कर्जा निक्षेप अनुपात) मा लचक भएको छ । नेपाल राष्ट्र बैंकले शुक्रबार मौद्रिक नीतिको त्रैमासिक समिक्षा गर्दै बैंक तथा वित्तिय संस्थाहरुले कायम गर्नुपर्ने सिडि रेसियो अन्तर्गतको ९० प्रतिशत अव २०७९ असार मसान्तसम्ममा गरे पुग्ने व्यवस्था गरेको हो ।
केन्द्रिय बैंकले गत साउनमा मौद्रिक नीति जारी गरी विद्यमान सिसिडि रेसियो (पुँजी,कर्जा, निक्षेप अनुपात) को व्यवस्थालाई हटाएर सिडि रेसियोको व्यवस्था गरेको थियो ।
सो व्यवस्थाका कारण बैंक तथा वित्तिय संस्थाहरुले तरलताको समस्या भोगेको भन्दै नेपाल बैंकर्स संघले केही दिन अगाडी राष्ट्र बैंकमा सिडि मा लचकता अपनाउनका लागि आग्रह गरेको थियो ।
बैंकर्स संघको आग्रहलाई मध्यनजर गर्दै राष्ट्र बैंकले सिडिमा लचक भएको हो ।
मौद्रिक नीति जारी गरेको दिनमा नै बैंक तथा वित्तिय संस्थाहरुको सिडि झन्डै८८ प्रतिशत थियो । भने बाणिज्य बैंकहरुको त ९० प्रतिशत कटेको थियो । बजारमा तरलता सहज बनाउनका लागि राष्ट्र बैंकले सिडिमा लचक भएको जनाएको छ ।
वि.सं.२०७८ मंसिर १० शुक्रवार ११:०८ मा प्रकाशित