काठमाडौं । तीन कम्पनीको बोनस सेयरको सेयर मूल्य समायोजन भएको छ ।
नेपाल स्टक एक्सचेञ्ज (नेप्से) ले शुक्रवार स्ट्याण्डर्ड चार्टर्ड बैंक र बैंक अफ काठमाण्डू र प्राइम लाईफ इन्स्योरेन्सको बोनस सेयरको मूल्य समायोजन गरेको हो ।
तीनै वटा कम्पनीले लाभांश तथा साधारण सभा प्रयोजनार्थ शुक्रवार बुकक्लोज गरेसँगै नेप्सेले सेयरमूल्य समायोजन गरेको हो ।
नेप्सेले स्ट्याण्डर्ड चार्टर्ड बैंकको १० प्रतिशत बोनस शेयरको समायोजनपछि सेयर मूल्य ४८६ रुपैयाँ ४५ पैसा तोकेको छ ।
कम्पनीको अघिल्लो कारोबारको दिन अर्थात् बिहीवार कायम अन्तिम सेयर मूल्य ५३५ रुपैयाँ १० पैसाको आधारमा मूल्य समायोजन भएको हो ।
त्यस्तै, नेप्सेले बैंक अफ काठमाण्डूलेको १० प्रतिशत बोनस सेयरको समायोजन पश्चात मूल्य ३१० रुपैयाँ तोकेको छ ।
त्यसैगरी, प्राइम लाईफ इन्स्योरेन्सको १५ प्रतिशत बोनस सेयरको समायोजनपछि ७५६ रुपैयाँ ५२ पैसा तोकेको छ ।
वि.सं.२०७८ मंसिर १० शुक्रवार ११:२८ मा प्रकाशित