काठमाडौं । आउँदो आइतबार ग्लोबल आइएमई बैंकको लाभांश सुरक्षित गर्ने अन्तिम दिन रहेको छ ।
बैंकले साधारणसभा र लाभांश वितरण प्रयोजनको लागि मंसिर १३ गते बुक क्लोज गर्ने भएकाले आइतबारसम्म सेयधरनी बनिसक्नु पर्नेछ ।
मंसिर १२ गते आइतबारसम्म कायम सेयरधनीले सभामा भाग लिन र लाभांश पाउनेछन् । कम्पनीले गत आर्थिक वर्ष २०७७/७८ को मुनाफाबाट १० प्रतिशत बोनस सेयर र ३.५ प्रतिशत नगद लाभांश वितरण गर्ने प्रस्ताव गरेको छ ।
उक्त प्रस्ताव पारितका लागि कम्पनीले आगामी मंसिर २७ गते साधारण सभा बोलाएको छ ।
वि.सं.२०७८ मंसिर १० शुक्रवार १३:५० मा प्रकाशित