काठमाडौं । नेपाली बजारमा उपलब्ध याडियाको तीन इलेक्ट्रिक स्कुटरमध्ये सी १ एसको लोकप्रियता बढ्दो क्रममा रहेको छ ।
नेपालका लागि आधिकारिक विक्रेता कुजु नेपालले याडियाको इलेक्ट्रिक स्कुटर उपलब्ध गराउँदै आएको छ । कम्पनीले नेपालमा याडियाको जी ५, सी१ एस र एस–लाइक गरि तीन मोडेलमा उपलब्ध रहेको छ ।
नेपाली बजारमा उपलब्ध स्कुटरमध्ये सी१ एसले छुट्टै लोकप्रियता र पहिचान बनाएको छ । यो स्कुटर आकर्षक डिजाईन र विशेषता पनि छुट्टै रहको छ ।
याडिया सी१ एसमा जीटीआर ३.० ब्रोडव्यान्ड मोटर प्रयोग भएको छ । उक्त मोटरले अधिकतम २२०० वाट पावर प्रदान गर्छ । यसको रेटेड पावर १८०० वाट रहेको छ ।
त्यस्तै यो मोटरले अधिकतम १३८ एनएम टर्क जेनेरेट गर्छ । यो स्कुटरको टप स्पीड क्षमता ६० किलोमिटर प्रतिघन्टा रहेको छ । यो ब्याट्रीको लाइफ सर्कल ८०० रहेको छ । यो व्याट्री माइनस २० देखी ५५ डिग्रिसेन्टीग्रेट तापक्रममा काम गर्न सक्छ । जसका कारण नेपाली बजारमा यसको लोकप्रियता बढ्दो क्रममा छ ।
कम्पनीका अनुसार यो स्कुटर एक पटकको फुल चार्जमा ८० किलोमिटर रेञ्जसम्म प्रदान गर्दछन् । यसमा सर्ट सर्किट प्रोटेक्सन, ओभर करेन्ट प्रोटेक्सन, ओभर चार्ज प्रोटेक्सन, ओभर डिस्चार्ज प्रोटेक्सन, प्रि डिस्चार्ज प्रोटेक्सन, सन्तुलित फक्शन, ओभर टेम्प्रेचर प्रोटेक्सन, राइडिङ मोडजस्ता फिचर रहेको छ ।
त्यस्तै यसमा स्मार्ट कि–लेस इन्टिग्रेटेड शोलुसन सिस्टम रहेको छ । यसमा १२ इन्चको ट्युवलेस टायर, दुबैतर्फ डिस्क ब्रेक, २५ लिटरको स्टोरेज क्षमता रहेको छ ।
यसको मूल्य ३ लाख ५० हजार रुपैयाँ तोकिएको छ । नेपाली बजारमा यो सेतो, कालो, खैरो, निलो र रातो र रंङमा उपलब्ध रहेका छन् ।
वि.सं.२०७८ मंसिर १० शुक्रवार १७:०४ मा प्रकाशित
