काठमाडौं । एनएमबि बैंकले वार्षिक साधारणसभाका लागि मिति तय गरेको छ ।
सोमबार बसेको बैंकको संचालक समितिको बैठकले २६औं वार्षिक साधारणसभा आउँदो पुस २२ गते गर्ने निर्णय गरेको हो ।
सभाले १२.५० प्रतिशत बोनस सेयर र कर प्रयोजनका लागि ३.३० प्रतिशत नगद लाभांश वितरण गर्ने प्रस्ताव पारित गर्नेछ ।
सभामा आर्थिक वर्ष २०७७/७८ को संचालक समितिको वार्षिक प्रतिवेदन पारित, र आव २०७८/७९ को लागि लेखापरीक्षकको नियुक्ति र निजको पारिश्रमिक तोक्ने प्रस्ताव पारित हुने छ ।
साथै बैंकको प्रबन्धकपत्र तथा नियमावली संशोधनका क्रममा नियमनकारी निकायबाट कुनै फेरबदल, थपघट गर्न निर्देशन वा सुझाव भएमो सोही बमोजिम गर्न वा अभिलेख गर्दा गराउँदा केही सामान्य हेरफेर गर्न, संशोधन सम्बन्धी कागजात प्रमाणित गर्न, दाखिला गर्न र अभिलेख गराई लिन समेत संचालक समिति वा समितिले तोकेको पदाधिकारीलाई अख्तियारी दिने छ ।
वि.सं.२०७८ मंसिर १४ मंगलवार ११:०६ मा प्रकाशित