काठमाडौं । सिक्लेस हाइड्रोपावर कम्पनीले आईपीओ निष्काशन गर्ने भएको छ । कम्पनीले २० करोड रुपैयाँ बराबरको आईपीओ निष्काशन गर्ने भएको हो।
कम्पनीले २० लाख कित्ता आईपीओ निष्काशन अनुमतिका लागि नियामक निकाय नेपाल धितोपत्र बोर्ड(सेबोन)मा निवेदन दिएको छ ।
कम्पनीले आईपीओ निष्काशनका लागि कात्तिक २९ गते बोर्डमा निवेदन दिएको हो । आईपीओ निष्काशन तथा बिक्री प्रबन्धकमा बिओके क्यापिटल लिमिटेड रहेको छ ।
बोर्डबाट अनुमति प्राप्त भएपछि कम्पनीले आयोजना प्रभावित र सर्वसाधारणका लागि आईपीओ निष्काशन गर्नेछ ।
वि.सं.२०७८ मंसिर १४ मंगलवार ११:२२ मा प्रकाशित