काठमाडौं । गरिमा विकास बैंकले १ अर्ब रुपैयाँ बराबरको १० लाख ऋण पत्र निष्काशन गर्ने भएको छ ।
बैंकले मंसिर १६ गते बिहीबारदेखि प्रतिकित्ता १ हजार रुपैयाँ अंकित दरका उक्त ऋण बिक्री खुला गर्ने भएको हो ।
८.७५ प्रतिशत गरिमा डिबेन्चर २०८५ नाम दिइएको उक्त ऋण पत्रमा ८.७५ प्रतिशत ब्याज पाइने र २०८५ मा परिपक्क हुने बैंकले जनाएको छ ।
उक्त ऋणपत्र मध्ये ४० करोड रुपैयाँ बजारबरका ४ लाख कित्ता सर्वसाधारणलाई बिक्री गरिने छ । यस मध्ये २० हजार कित्ता सामुहिक लगानी कोष र बाँकी ६ लाख कित्ता ऋणपत्र व्यक्तिगत तवरबाट बिक्री गरिने बैंकले जनाएको छ ।
उक्त ऋणपत्रमा न्यूनतम २५ कित्तादेखि अधिकताम १ लाख कित्तासम्मका लागि आवेदन दिन सक्ने छन् । उक्त ऋणपत्र खरिदका लागि छिटोमा २० गतेसम्म र माग बमोजिम आवेदन नपरेको खण्डमा पुस १ गतेसम्म दिन सकिनेछ ।
बिक्री प्रबन्धकमा बैंकले एनआईबीएल एस क्यापिटल लिमिटेडलाई नियुक्त गरेको छ । बैंकले ऋणपत्र निष्काशनका लागि नियामक निकाय नेपाल धितोपत्र बोर्डबाट गत कात्तिक १७ गते स्वीकृत प्राप्त गरेको थियो ।
वि.सं.२०७८ मंसिर १४ मंगलवार १३:५७ मा प्रकाशित
