back
Mega Long Ad

धितोपत्र बोर्डको अध्यक्ष नियुक्तिमा ढिलाई, को-को छन् प्रतिष्पर्धामा ?

काठमाडौं । नेपाल धितोपत्र बोर्डको अध्यक्ष नियुक्ति प्रकृया ढिलो हुदै गएको छ । गत कात्तिक ११ गते अर्थमन्त्रालयले सार्वजनिक सुचना जारी गरी बोर्डको अध्यक्ष नियुक्तिको लागि खुल्ला आवेदन माग गरेको थियो ।

१५ दिनको म्याद दिएर खुल्ला गरिएको आवेदनमा एक महिलासहित १२ जनाको आवेदन परेको थियो । आवेदन माग गरेपनि अर्थमन्त्रालयले अहिलेसम्म बोर्डको अध्यक्ष छान्ने प्रकृया सुरु गरेको छैन ।

अर्थमन्त्रालयका प्रबक्ता राजेश शाक्यका अनुसार अर्थमन्त्रालयमा बोर्डको अध्यक्ष नियुक्ती गर्नेबारे छलफल भइरहेको बताए । तर अर्थमन्त्रालयका एक उच्च अधिकारीका अनुसार बोर्डमा अध्यक्ष बनाउनका लागि अर्थमन्त्री आफैले चासो राखेपनि यसमा राष्ट्रिय योजना आयोगका उपाध्यक्ष विश्व पौडेलको हस्तक्षेपका कारण विवाद आउदा बोर्ड अध्यक्ष नियुक्ति प्रक्रियामा ढिलाई भएको हो ।

बोर्डको अध्यक्ष चुन्नको लागि अर्थमन्त्री जनार्दन शर्माले आयोगका उपाध्यक्ष पौडेलेको नेतृत्वमा एक समिति बनाएका थिए । सो समितिले कांग्रेसलाई ल्याउन खोजेको तर अर्थमन्त्रीले माओवादी निकटहरुलाई नै ल्याउनुपर्ने अडान राखेका कारण अध्यक्ष नियुक्तिमा ढिलाइ भएको ति अधिकारीले जानकारी दिए ।

आयोगको उपाध्यक्ष विश्व पौडेल मार्फत बोर्डमा आफ्नो मान्छे राख्न प्रधानमन्त्री शेरबहादुर देउवा पत्नी आरजु देउवाको दवाव आउन थालेपछि अर्थमन्त्रीले बोर्डको अध्यक्ष नियुक्ति प्रकृया छल्ने गरेको अर्थमन्त्रालय स्रोतले जनाएको छ ।

अर्थमन्त्रालय वित्तिय क्षेत्र व्यवस्थापन तथा संस्थान समन्वय महाशाखाका प्रमुख रमेशकुमार केसी भने अर्थमन्त्रालय बोर्ड अध्यक्ष नियुक्ति प्रक्रियामा नै रहेको दावी गर्छन् । उनका अनुसार आवेदन आइपुगेको र आवेदकहरुको बारेमा जानकारी लिनेकाम भइरहेकोले नियुक्ति प्रक्रिया रोकिएको नभएर निरन्तर प्रकृयामा नै रहेको छ ।

नेपाल राष्ट्र बैंकका पुर्व कार्यकारी निर्देशक डा.भिष्मराज ढुंगानाले बोडृका अध्यक्ष हुदा स्वार्थ बाझिने गरी आफ्नै छोरीको नाममा सर्वोत्तम सिमेन्टको सेयर किनेको भन्दै मन्त्रीपरिषद्को बैठकले उनलाई वर्खास्त गरेको थियो । ढुंगाना बर्खास्तपछि अर्थमन्त्रालयले बाँकी अवधिको अध्यक्ष हुनका लागि आवेदन माग गरेको थियो ।  माग गरिएको आवेदनमा १२ जनाले निवेदन दिएका छन् ।

अध्यक्षको लागि आवेदन दिनेहरुको नामावली
१. बोर्डका कार्यकारी निर्देशक निरज गिरी
२. बोर्डका उप कार्यकारी निर्देशक डा. नवराज अधिकारी
३. कर्मचारी सञ्चय कोषका पूर्वप्रशासक कृष्ण आचार्य
४. नेपाल राष्ट्र बैंकका पूर्व कार्यकारी निर्देशक डा. गोपाल भट्ट
५.नेप्सेको पूर्व सीईओ सिताराम थपलिया
६. बीमा समितिका पूर्व अध्यक्ष चिरञ्जीवी चापागाँई
७. शेयर लगानीकर्ता तथा विश्लेषक डा. केशव प्रसाद श्रेष्ठ
८. चार्टड एकाउन्टेन्ट अनिल पौडेल
९. गैह्र आवासीय नेपाली रमेश हमाल
१०. धितोपत्र बोर्डको पूर्व कर्मचारी डा. जीवन अमगाई
११.प्रभु बैंकको पूर्व सञ्चालक अम्बिका शर्मा लामिछाने
१२.शेयर विश्लेषक तथा लगानीकर्ता हेमन्त बस्याल

आवेदन दिएका सवैजसो आवेदकहरुलाई आ–आफ्नो राजनैतिक पार्टीको साथ र समर्थन छ । आवेदन दिएकामध्ये माओवादी केन्द्र, नेपाली कांग्रेस र नेकपा एस समर्थित रहेका छन् ।
नेपाल स्टक एक्सचेन्जमा माओवादी केन्द्र समर्थित र नेपाल धितोपत्र सेवोनमा नेपाली कांग्रेस समर्थित व्यक्ति पठाउनका लागि अर्थमन्त्रालयमा ठूलो दवाव आएको बुझिएको छ ।

बोर्डको अध्यक्षको लागि आवेदन दिएकाहरुमध्ये सवैभन्दा प्रमूख दावेदार बीमा समितिका पुर्व अध्यक्ष चिरन्जवी चापागाई, धितोपत्र बोर्डका कायम मुकायम अध्यक्ष निरज गिरी र कर्मचारी सन्चय कोषका प्रमुख प्रशासक कृष्णप्रसाद आचार्य देखिएको छ ।

उनीहरुको शैक्षिक योग्यता, पार्टीसँगको निकटता र अनुभव पनि बोर्डका अध्यक्षको लागि पर्याप्त रहेको देखिन्छ । प्रमुख दावेदार तीनमध्ये गिरी नेपाली कांग्रेस निकट छन् । उनी यसपाली जसरी भएपनि अध्यक्ष हुने दाउमा रहेका छन् । बोर्डको अध्यक्षको कार्यकाल भनेको जम्मा ४ बर्षको हो । करिव २० महिना ढुंगानाले नै विताइसकेका छन्, बाँकी अवधिको लागि बन्ने अध्यक्षको लागि गिरी नै उपयुक्त हुन सक्ने अर्थमन्त्रालयका केही उच्च अधिकारीहरुको मत छ ।

त्यस्तै माधव नेपालसँग निकट सम्बन्ध रहेको तथा पुर्व उपप्रधानमन्त्री भरतमोहन अधिकारीका ज्वाई कृष्ण प्रसाद आचार्य पनि आफू अध्यक्ष हुनेमा ढुक्क छन् । उनी नेकपा एस निकट भएकोले पनि उनको नियुक्तीका लागि माधवकुमार नेपालले अर्थमन्त्रीलाई दवाव दिइरहेका छन् ।

त्यस्तै अर्का अध्यक्षका दावेदार चिरन्जीवी चापागाई पनि यसबर्ष आफू बोर्डको अध्यक्ष हुनेमा लगभग पक्का जस्तै देखिएका छन् । उनी पुर्व अर्थमन्त्री कृष्ण बहादुर महराका निकट मानिन्छन् । उनलाई महरा अर्थमन्त्री हुदा बीमा समितिको अध्यक्ष बनाएका थिए । उनले नेपाल राष्ट्रबैंकमा रहेर पनि काम गरिसकेका छन् । त्यस्तै उनी नियमनकारी निकायको भुमिकाको बारेमा राम्रो जानकार रहेका छन् ।

नेपाल धितोपत्र बोर्ड पनि नियमनकारी निकाय भएकोले कसरी बजारलाई नियमन गर्ने भन्ने राम्रो ज्ञान भएका चापागाई अध्यक्ष हुने सम्भावना प्रबल रहेको स्रोतको दावी छ ।

वि.सं.२०७८ मंसिर १४ मंगलवार १७:५१ मा प्रकाशित

You can share this post!

prabhu bank
नेप्सेमा ङादी ग्रुप पावरको शेयरमूल्य समायोजन, प्रतिकित्ता कति तोक्यो ?

नेप्सेमा ङादी ग्रुप पावरको शेयरमूल्य समायोजन, प्रतिकित्ता कति तोक्यो ?

वि.सं.२०७९ असार १९ आइतवार १७:१३

काठमाडौं । ङादी ग्रुप पावरको शेयरमूल्य समायोजन भएको छ ।...

एनआईसी एशिया बैंकद्वारा मोबाइल बैंकिङ्ग एप लाई ओम्नीच्यानल एप मा स्तरोन्नति

एनआईसी एशिया बैंकद्वारा मोबाइल बैंकिङ्ग एप लाई ओम्नीच्यानल एप मा स्तरोन्नति

वि.सं.२०७९ असार १९ आइतवार १६:५६

  काठमाडौं । एन आई सी एशिया बैंकले ओम्नीच्यानल एप...

संस्थागत लगानीकर्ताको रुपमा काम गर्न पाउने कम्पनीको थप सूची सार्वजनिक

संस्थागत लगानीकर्ताको रुपमा काम गर्न पाउने कम्पनीको थप सूची सार्वजनिक

वि.सं.२०७९ असार १९ आइतवार १६:२८

काठमाडौं । नेपाल धितोपत्र बोर्डले योग्य संस्थागत लगानीकर्ताको रुपमा काम...

सूचना विभागका सम्पूर्ण सेवा अनलाइनबाटै हुने

सूचना विभागका सम्पूर्ण सेवा अनलाइनबाटै हुने

वि.सं.२०७९ असार १९ आइतवार १६:१३

काठमाडौं । सूचना तथा प्रसारण विभागबाट प्रदान गरिने सम्पूर्ण सेवाहरु...

सवारी आवागमन असर पार्ने गरी विज्ञापन गर्न नपाइने

सवारी आवागमन असर पार्ने गरी विज्ञापन गर्न नपाइने

वि.सं.२०७९ असार १९ आइतवार १५:५१

काठमाडौं । अब सहरी क्षेत्र वा राजमार्ग आसपासका क्षेत्रमा दृश्यमा...

साताको पहिलो कारोवार दिन ५७ अंकले बढ्यो सेयर बजार

साताको पहिलो कारोवार दिन ५७ अंकले बढ्यो सेयर बजार

वि.सं.२०७९ असार १९ आइतवार १५:२५

काठमाडौं । साताको पहिलो कारोवार दिन सेयर बजारमा हरियाली छाएको...