काठमाडौं । स्वाभिमान लघुवित्त वित्तीय संस्थाले पाँचौ वार्षिक साधारणसभाका लागि मिति तय गरेको छ ।
कम्पनीको मंगलबार बसेको संचालक समितिको बैठकले आउँलो पुस ९ गते बिहीबार सभा गर्ने निर्णय गरेको छ ।
सभाले गत आर्थिक वर्ष २०७७/७८ को सम्मको कुल संचित वितरण योग्य मुनाफबाट चुक्ता पुँजीको ३२.३० प्रतिशत बोनस र कर प्रयोजनका लागि १.७० प्रतिशत नगद लाभांश वितरणको प्रस्ताव पारित गर्नेछ ।
सभाले चालु आवको लेखापरीक्षण कार्यको लागि लेखापरीक्षक नियुक्ति एवं निजको पारिश्रमिक निर्धारण गर्ने, संचालक समितिमा संस्थापक सेयरधनीहरुको तर्फबाट प्रतिनिधित्व गर्ने ४ जना संचालकहरुको निर्वाचन र रिक्त संचालक पदमा भएको मनोनयनको अनुमोदन गर्नेछ ।
उक्त सभाले अन्य इाजातपत्र प्राप्त(घ) वर्गाका वित्तीय संस्थासंग मर्जर वा प्राप्ति गर्न र गराउन उपयुक्त देखिएमा सो सम्वन्धी आवश्यक सम्पूर्ण कार्य अगाडि बढाउन संचालक समितिलाई अख्तियारी प्रदान गर्नेछ ।
यसका साथै वित्तीय संस्थको अधिकृत, जारी तथा चुक्ता पुँजी वृद्धि गर्ने र सोही बमोजिम प्रबन्ध पत्रमा संशोधन, संचालहरुको सेवा सुविधा पुनरावलोकन, प्रवन्धपत्र तथा नियमावलीमा आवश्यक संशोधन गर्ने लगायतका विषयमा छलफल गरि पारित गर्नेछ ।
साधारणसभा तथा लाभांश वितरण प्रयोजनका लागि कम्पनीले मंसिर २३ गते बुक क्लोज गर्ने भएको छ ।
वि.सं.२०७८ मंसिर १५ बुधवार १०:११ मा प्रकाशित
