काठमाडौं । चालु आर्थिक वर्ष २०७८/७९ पहिलो त्रैमासमा सिवाईसी नेपाल लघुवित्त वित्तीय संस्थाले साढे २ करोड बढी नाफा गरेको छ ।
आईपीओ निष्काशनको तयारीमा रहेको कम्पनीले चालु आवको असोज मसमान्तसम्म २ करोड ७३ लाख ८५ हजार रुपैयाँ नाफा कमाएको हो ।
कम्पनीको नाफा गत आर्थिक वर्षको सोही अवधिको तुलनामा ११७.११ प्रतिशतले बढी हो । गत वर्षको असोज मसान्तसम्म कम्पनीले १ करोड २६ लाख १३ हजार रुपैयाँ नाफा कमाएको थियो ।
कम्पनीको खुद ब्यजा आम्दानी पनि वृद्धि भएको छ । चालु आवको पहिलो त्रैमासमा कम्पनीको खुद ब्याज आम्दानी ४ करोड ४४ लाख ८ हजार रुपैयाँ रहेको छ । गत वर्षको सोही अवधिमा भने ३ करोड ३१ लाख २ हजार रुपैयाँ रहेको थियो ।
कम्पनीको चुक्ता पुँजी ८ करोड २१ लाख ८ हजार रुपैयाँ रहेको छ । जगेडा तथा कोषमा भने १२ करोड १२ लाखा ३१ हजार रुपैयाँ राखेको छ ।
उक्त अवधिमा कम्पनीको खराब कर्जा ३.१२ प्रतिशत रहेको छ । गत वर्षको सोही अवधिमा भने खराब कर्जा ६.१४ प्रतिशत रहेको थियो ।
कम्पनीले ३ करोड ९५ लाख ३३ हजार ६ सय रुपैयाँ बराबरको आईपीओ निष्काशनको तयारीमा रहेको छ ।
३ लाख ९५ हजार ३३६ कित्ता आईपीओ निष्काशनका लागि कम्पनीले असोज ११ गते नेपाल धितोपत्र बोर्डमा निवेदन दिएको छ ।
कम्पनीको आईपीओ निष्काशन तथा बिक्री प्रबन्धकमा भने ग्लोबल आइएमई क्यापिटल लिमिटेड रहेको छ ।
वि.सं.२०७८ मंसिर १६ बिहीवार १०:४१ मा प्रकाशित