काठमाडौ । नेपाल धितोपत्र बोर्डले तत्कालिन अध्यक्ष भिष्मराज ढुंगाना अध्यक्षबाट निलम्बित भएयता रोकिएको प्राथमिक सेयर निष्कासन (आइपीओ) जारी प्रकृया अगाडी बढाउन लागेको छ ।
धितोपत्र बोर्डको सन्चालक समितिले आइपीओ जारी गर्ने प्रकृया अगाडी बढाउनका लागि निर्देशन दिएको पाइएको छ ।
लामो समयदेखि आइपिओ जारी गर्ने प्रकृया अवरुद्ध हुदा बजारमा नकारात्मक असर पर्ने भन्दै आइपिओको लागि प्रकृया अगाडी बढाउन निर्देशन दिएको हो ।
बोर्डका कार्यकारी निर्देशक निरज गिरीका अनुसार बोर्डले लामो समयदेखि आइपिओ जारी नगर्दा समस्या भएको भन्दै प्रकृया अगाडी बढाउन निर्देशन दिएको छ ।
सोही निर्देशन बमोजिम आइपिओको प्रक्रिया अघि बढाउन लागिएको गिरीले जानकारी दिए । अध्यक्ष नियुक्ति प्रकृयामा अर्थमन्त्रालयले ढिलाई गर्दा आइपीओ प्रकृया नै रोकिएको थियो । अव भने बोर्डले अनुमति दिएको छ ।
हालसम्म २५ वटा कम्पनीले आइपिओ जारीका लागि आवेदन लिएका छन् । उनीहरुले ६ अर्ब ८० करोड रुपैयाँ बराबरको आइपिओको लागि आवेदन दिएको नेपाल धितोपत्र बोर्डले जनाएको छ ।
वि.सं.२०७८ मंसिर १९ आइतवार १७:४६ मा प्रकाशित
