काठमाडौं । नेशनल हाइड्रोपावर कम्पनीले चालु आर्थिक वर्ष २०७८/७९ को पहिलो त्रैमासिक वित्तीय विवरण सार्वजनिक गरेको छ ।
चालु आवको असोज मसान्तसम्म कम्पनीले ५८ करोड ७४ लाख ४३ हजार रुपैयाँ नाफा कमाएको छ ।
कम्पनीले गत वर्षको सोही अवधिमो तुलनामा नाफामा छलाङ मारेको हो । गत वर्षको असोज मसान्तमा कम्पनीले २ करोड ३७ लाख ६५ हजार रुपैयाँ नाफा गरेको थियो ।
नाफा उल्लेखीय सुधार गरेको कम्पनीको विद्युत बिक्री आम्दानी भने घटेको देखिएको छ । कम्पनीले चालु आवको पहिलो त्रैमासमा १ करोड ३५ लाख ७६ हजार रुपैयाँ आम्दानी गरेको छ ।
जुन गत वर्षको सोही अवधिको तुलनामा ७९.५५ प्रतिशतले कमी हो । गत वर्षको उक्त अवधिमा कम्पनीले विद्युत बिक्रीबाट ६ करोड ६४ लाख १४ हजार रुपैयाँ आम्दानी गरेको थियो ।
विद्युत् विक्री आम्दानीमा कमि र व्यवस्थापकीय खर्च वृद्धि भएसँगै कम्पनी १ करोड ४७ लाख ४१ हजार रुपैयाँ सञ्चालन घाटामा रहेको थियो ।
कम्पनीको चुक्ता पुँजी १ अर्ब ३८ करोड ५९ लाख ११ हजार रुपैयाँ रहेको छ । कम्पनीको जगेडा तथा कोषमा पनि सुधार गरेको छ । गत वर्षको पहिलो त्रैमासमा ३८ करोड १० लाख ६८ हजार रुपैयाँ ऋणात्मक रहेको कम्पनीले यस वर्षको सोही अवधिमा भने उक्त कोषमा २३ करोड २२ लाख ३८ हजार रुपैयाँ राखेको छ ।
कम्पनीको प्रतिसेयर आम्दानी ४१ रुपैयाँ ३१ पैसा र प्रतिसेयर नेटवर्थ ११६ रुपैयाँ ७६ पैसा रहेको छ ।
वि.सं.२०७८ मंसिर २० सोमवार १२:११ मा प्रकाशित
