काठमाडौं । तेह्रथुम पावर कम्पनीले चालु आर्थिक वर्ष २०७८/७९ को पहिलो त्रैमासिक वित्तीय विवरण सार्वजनिक गरेको छ ।
गत वर्षको पहिलो त्रैमासमा ८६ लाख ७० हजार रुपैयाँ नोक्सानीमा रहेको कम्पनीले यस वर्षको सोही अवधिमा भने उल्लेखीय नाफा गरेको छ ।
कम्पनीले चालु आवको असोज मसान्तसम्ममा १ करोड १८ लाख ७५ हजार रुपैयाँ नाफा गरेको हो । उक्त अवधिमा कम्पनीको विद्युत बिक्री आम्दानी वृद्धि भएपछि नाफा सुधार आएको हो ।
कम्पनीले चालु आवको पहिलो त्रैमासमा विद्युत बिक्रीबाट ४ करोड ७६ लाख ६६ हजार रुपैयाँ आम्दानी गरेको छ ।
जुन गत वर्षको सोही अवधिको तुलनामा १०७.१६ प्रतिशतले बढी हो । गत वर्षको उक्त अवधिमा कम्पनीले २ करोड ३० लाख ९ हजार रुपैयाँ आम्दानी गरेको थियो ।
कम्पनीको चुक्ता पुँजी ४० करोड रुपैयाँ रहेको छ । कम्पनीको जगेडा तथा कोष भने ८ करोड ४५ लाख २२ हजार रुपैयाँ ऋणात्मक देखिएको छ ।
कम्पनीको प्रतिसेयर आजम्दानी १२ रुपैयाँ र प्रतिसेयर नेटवर्थ ७९ रुपैयाँ रहेको छ ।
वि.सं.२०७८ मंसिर २० सोमवार १३:०७ मा प्रकाशित
