काठमाडौं । नेपाली बजारमा हुन्डाईको नयाँ इलेक्ट्रिक कोना कार लन्च गरेको छ । हुन्डाई अटोमोवाइलको आधिकारीक वितरक लक्ष्मी इन्टरकन्टीनेन्टलले उक्त कार लन्च गरेको हो ।
नेपाली बजारमा विगत २ वर्षदेखि बिक्री हुँदै आएको हुन्डाई कोना इलेक्ट्रीक एक सफल क्रसओभर कार हो । नयाँ इलेक्ट्रीक कोना फेसलिफ्टमा धेरै परिमार्जन भएर आएको छ ।
नयाँ कोनाको ड्राइभिङ रेन्ज बढेको छ । यो नयाँ सुरक्षा फिचर र एड्भान्स कनेक्टिभीटी फिचर थप भएर आएको लक्ष्मी इन्टरकन्टीनेन्टलले जनाएको छ । कोनाको इन्टेरियर तथा एक्टेरियरमा धेरै अपग्रेड पाउन सकिनेछ ।
नयाँ कोनामा स्मार्ट सेन्स सेफ्टी सुइट, रिजेनेरेटीभ ब्रेकिङ, प्याडल सिफ्टर, ड्राईभ वाइ वायर सिस्टम तथा क्लाइमेट प्रि–सेटिङ, जस्ता आधुनिक सुरक्षा फिचर दिइएको छ ।
एक्टेरियरमा हेर्दा हुन्डाई कोनामा नयाँ डिजाइनको ग्रिल, नयाँ डे टाइम रनिङ लाइट तथा ठूलो साइजको टेललाइट पाउन सकिन्छ । अब कोनो इलेक्ट्रीकलाई एक पटकको सिंगल चार्जमा ३०५ किलोमिटरसम्म गुडाउन सकिने छ ।
नयाँ कोनामा मल्टी स्टेज हाइभोल्टेज सेफ्टी सिस्टम युक्त ३९.२ किलोवाट आवरको लिथियम आयोन पोलिमर व्याट्री, ८ इन्चको टचस्कृन भिजुअल न्याभिगेसन सिस्टम रहेको छ ।
कोनाको बजार मूल्य ५९ लाख ९६ हजार रूपैयाँ निर्धारण गरेण्को छ । नेपाली बजारमा कोनो इलेक्ट्रीक एट्लास ह्वाइट, साइबर ग्रे, ग्यालाटिक ग्रे, पल्स रेड, सर्फी ब्लु तथा डार्क नाइट जस्ता उत्कृष्ट कलर अप्सनमा उपलब्ध हुने छ ।
वि.सं.२०७८ मंसिर २१ मंगलवार १६:१७ मा प्रकाशित
