काठमाडौं । सांग्रिला डेभलपमेण्ट बैंकले संस्थापक सेयर बिक्री गर्ने भएको छ ।
बैंकले संस्थापक सेयरधनी रुपेश थापाले आफ्नो नाममा रहेको ५ हजार कित्ता संस्थापक सेयर बिक्री गर्न लागेको हो ।
उक्त सेयर खरिद गर्न इच्छुक योग्य बैंकका हाल कायम संस्थापक सेयरधनीहरुले आवेदन दिन सक्नेछन् । सेयरको प्रतिकित्ता मूल्य भने तोकिएको छैन ।
उक्त सेयर खरिदका लागि आजैका मितिले ३५ दिनभित्र आवश्यक कागज प्रमाण संलग्न गरी बैंकको केन्द्रीय कार्यालय बालुवाटार, काठमाडौंमा निवेदन पेश गर्नुपर्नेछ ।
तोकिएको म्यादभित्र संस्थापक सेयरधनीहरुबाट आवेदन नपरेको खण्डमा प्रचलित नियमअनुसार अन्य व्याक्ति वा संघ संस्थालाई बिक्री प्रक्रिया अघि बढाईने सूचनामा उल्लेख छ ।
वि.सं.२०७८ मंसिर २२ बुधवार ११:१७ मा प्रकाशित
