काठमाडौं । दुई हाइड्रोपावर कम्पनीको आईपीओ आउने भएको छ । सुपरमाई हाइड्रोपावर र साञ्जेन जलविद्युत कम्पनीले आईपीओ निष्काशन गर्ने भएका हुन् ।
आईपीओ निष्काशनका लागि यी दुवै कम्पनीले नियामक निकाय नेपाल धितोपत्र बोर्ड(सेबोन)मा निवेदन दिएका छन् ।
सुपरमाई हाइड्रोपावर कम्पनीले १० करोड रुपैयाँ बराबरको आईपीओ निष्काशन गर्ने भएको छ । कम्पनीले आयोजना प्रभावित क्षेत्रका स्थानीय र सर्वसाधारणका लागि १० लाख कित्ता आईपीओ ल्याएको भएको हो ।
उक्त आईपीओ निष्काशन गर्न कम्पनीको मंसिर २० गते बोर्डमा निवेदन दिएको छ । कम्पनीको आईपीओ निष्काशन तथा बिक्री प्रबन्धकमा सानिमा क्यापिटल लिमिटेड रहेको छ ।
यस्तै, साञ्जेन जलविद्युत कम्पनीले स्थानीय बान्सिदाका लागि ३६ करोड ५० लाख रुपैयाँ बराबरको आईपीओ निष्काशन गर्ने भएको छ ।
कम्पनीले ३६ लाख ५० हजार कित्ता आईपीअो निष्काशन गर्न मंसिर २० गते बोर्डमा निवेदन दिएको छ । कम्पनीको आईपीओ निष्काशन तथा बिक्री प्रबन्धकमा सिटिजन इन्भेष्टमेन्ट ट्रष्ट रहेको छ ।
वि.सं.२०७८ मंसिर २२ बुधवार १६:५८ मा प्रकाशित
