काठमाडौ । बैंंक तथा वित्तिय संस्थाहरुबाट गएको २०५ अर्ब बराबरको ऋण रकम आयातको लागि प्रयोग भएको पाइएको छ । नेपाल राष्ट्र बैंकका गभर्नर महाप्रसाद अधिकारीले विहिबार अर्थसमितिमा बोल्दै बैंक तथा वित्तिय संस्थाबाट चालु आर्थिक बर्षमा गएको ४११ अर्ब रुपैयाँ बराबरको कर्जामध्ये सो रहकको कर्जा भने आयातको लागि प्रयोग भएको पाइएको बताएका हुन् ।
उनले नेपाल आयातमा निर्भर भएको र आयात बढ्दा देशबाट नफर्कने गरी जाने रकम बढीरहेकोले पनि तरलताको अभाव चर्किदै गएको बताएका हुन् ।
उनले भने, ‘नेपालमा करिव मासिक ८० अर्ब रुपैयाँको हाराहारीमा रेमिट्यान्स आप्रबाह भइरहेको छ, तर एक अर्ब ७० अर्ब रुपैयाँको हाराहारीमा आयात हुनेगरेकोले पनि रेमट्यान्सले आयातलाई धान्न सकेन ।’
त्यस्तै उनले निक्षेपको तुलनामा कर्जाको माग कयौ गुणा बढी भएकोले पनि बजारमा तरलताको अभाव देखिएको र त्यसको चेन इफेक्ट नेपालको अर्थतन्त्रमा पनि परेको बताए ।
चालु आर्थिक बर्षमा बैकिङ प्रणालीबाट ४११ अर्ब कर्जा जाँदा निक्षेप ६४ अर्ब रुपैयाँले मात्र बढेको छ, ’साढे तीन खर्बको ग्यापले तरलता अभाव भएको हो’ उनले भने।
त्यस्तै उनले तरलतामा चाप पर्ने भएकै कारण आन्तरिक ऋणका लागि राष्ट्र बैंकले कुनैपनि पाइला नचालेको बताउदै विदेशी पैसालाई नेपालमा भित्र्याउनका लागि एनआरएनएका सदस्यहरुले नेपालमा विदेशी मुद्रामा नै खाता खोल्न पाउने व्यवस्था गरिएपनि जानकारी दिए ।
त्यस्तै उनले विदेशी मुद्रा नेपालमा भित्र्याउनका लागि गैर आवसीय नेपालीहरुको खातामा एक प्रतिशत बिन्दुले बढि ब्याज दिने योजना ल्याएको पनि अर्थसमितिमा जानकारी दिए ।
वि.सं.२०७८ मंसिर २३ बिहीवार १६:१७ मा प्रकाशित