काठमाडौं । राजस्व अनुसन्धान विभागले एक करोड १ लाख ५२ हजार ३८६ रुपैयाँको माग दावी सहित सत्यम शिवम् कन्सट्रक्सनका दुई संचालक विरुद्ध मुद्धा दायर गरेको छ ।
विभागले विहिबार कम्पनीका सन्चालकद्धय रामकुमार प्याकुरेल र संगीता कुमारी झा विरुद्ध राजश्व चुहावटको अभियोगमा उच्च अदालत पाटनमा मुद्धा दायर गरेको हो ।
कन्सट्रक्सनले वस्तु तथा सेवा खरिद नै नगरी झुठ्ठा तथा नक्कली मु.अ. कर विजक मात्र खरिद गरी मूल्य अभिवृद्धि कर र आयकर समेत ५० लाख ७६ हजार १९३ रुपैयाँ राजस्व चुहावट गरको विभागको दावी गरेको छ ।
विभागले उनीहरु विरुद्ध ५० लाख ७६ हजार १९३ रुपैयाँ विगो कायम गरी विगो असुल तथा विगोको शत प्रतिशत समेत गरेर एक करोड एक लाख ५२ हजार ३८६ रुपैयाँ जरिवाना तथा ३ वर्षसम्म कैद सजायको मागदावी गरी अभियोग पत्र दायर गरेको विज्ञप्ति मार्फत जानकारी दिएको छ ।
वि.सं.२०७८ मंसिर २३ बिहीवार १६:४८ मा प्रकाशित