काठमाडौं । नेपाल लाइफ इन्स्योरेन्स कम्पनीले २ लाख १३ हजार १ सय कित्ता संस्थापक सेयर आजदेखि बिक्रीमा ल्याएको छ ।
कम्पनीले संस्थापक सेयरधनी अशोक कुमार अग्रवालको नाममा रहेको १३ हजार १ सय कित्ता र प्रुडेन्सियल क्यापिटल म्यानेजमेन्टको नाममा रहेको २ लाख कित्ता संस्थापक सेयर बिक्री लागेको हो ।
उक्त सेयर खरिद गर्न इच्छुक सेयरधनीहरु (संस्थापक सेयर कारोबार सम्वन्धी निर्देशिका, २०७७ को निर्देशन नं.११ बमोजिम) ले निवेदन पेश गर्न सक्नेछन् । उक्त सेयर मूल्य भने तोकिएको छैन ।
सेयर खरिदका लागि आजैका मिति(मंसिर २७ गते) ले ३५ दिनभित्र कम्पनीको केन्द्रीय कार्यालय काठमाडौं महानगरपालिका–२८, कमलादीमा निवेदन पेश गर्नुपर्नेछ ।
तोकिएको समयसम्ममा कुनै पनि निवेदन पेश हुन नआएमा प्रचलित कानून बमोजिम अन्य बिक्री प्रक्रिया अघि बढाईने कम्पनीले जनाएको छ ।
वि.सं.२०७८ मंसिर २७ सोमवार १३:०९ मा प्रकाशित