काठमाडौं । प्रहरी प्रधान कार्यालय केन्द्रीय अनुसन्धान ब्यूरो(सीआईवी)ले बैंकिङ कसूर मुद्दामा फरार व्यक्तिलाई पक्राउ गरेको छ ।
प्रहरीले ललितपुर महानगरपालिका–२१ बस्ने ४२ वर्षीय अमर महर्जनलाई पक्राउ गरेको छ । महर्जनले आफ्नो खातामा पर्याप्त मौज्दात रकम नभएको भन्ने जानी जानी झुक्यानमा पारी २०७५ असोज २४ गते मेगा बैंकको चेकहरु काटेर दिएका थिए ।
उच्च अदालत पाटनले २०७८ असोज ८ गते महर्जनलाई बैंकिङ कसूरजन्य अपर गरेको ठहर गरेको थियो ।
उनलाई बैंकिङ कसूर तथा सजाय ऐन २०६४ बमोजिम ४ दिन कैद र ४५ लाख ५० हजार रुपैयाँ जरिवाना हुने फैसाला गरेको छ ।
उनलाई काठमाडौंको शंखमुलबाट पक्राउ गरि फैसला कार्यन्वयनका लागि आजै जिल्ला अदालत ललितपुरमा पेश गरिएको प्रहरीले जनाएको छ ।
वि.सं.२०७८ मंसिर २८ मंगलवार १६:२१ मा प्रकाशित