काठमाडौं । बिहीवार तीन कम्पनीको बोनस सेयरको मूल्य समायोजन भएको छ ।
नेपाल स्टक एक्सचेञ्ज (नेप्से) ले सपोर्ट लघुवित्त, सूर्योदय लघुवित्त र वोमी लघुवित्त वित्तीय संस्थाको मूल्य समायोजन गरेको हो ।
यी तीन वटै कम्पनीले लाभांश तथा साधारण सभा प्रयोजनका लागि आज बुकक्लोज गरेपछि नेप्सेले सेयर मूल्य समायोजन गरेको हो ।
नेप्सेले सपोर्ट लघुवित्तको ३० प्रतिशत बोनस सेयरको समायोजनपछि १ हजार ७६९ रुपैयाँ २३ पैसा तोकेको छ । कम्पनीको अघिल्लो कारोबारको दिन अर्थात् बुधवार कायम अन्तिम सेयर मूल्य २ हजार ३ सय रुपैयाँको आधारमा समायोजन भएको हो ।
त्यस्तै, नेप्सेले सूर्योदय लघुवित्तको २० प्रतिशत बोनस सेयरको समायोजनपछि १ हजार ४२७ रुपैयाँ ५० पैसा तोकेको छ ।
त्यसैगरी, नेप्सेले वोमी लघुवित्तको २० प्रतिशत बोनस सेयरको समायोजनपछि १ हजार ३४० रुपैयाँ ८३ पैसा तोकेको छ ।
वि.सं.२०७८ पुस १ बिहीवार १०:४१ मा प्रकाशित
